’O disco ‘e Napule

LATO "A" Tanto sole ca scarfa tutta ‘a pella, ’a museca ca fanno mille aucielle, ’e vvocche ca se vaseno: ’na cartulina è Napule! ’E riale ‘e ‘na terra assaje speciale, cozzeche e pizze ca maje fanno male, dint’’e ppanze ‘nce traseno: guagliu‘, nuje stammo a Napule! Nuje ‘nce vulimmo bene comm’a frate, so’ ‘nu ‘ncanto ‘e gguaglione ‘nnammurate; tutt’’e core s’arapeno: quant’è bella ‘sta Napule! LATO "B" Troppo sole ca abbrucia int’’e ccervelle, ’e guagliune ca fanno ‘e mariuncielle, porte ca nun s’arapeno: è ‘a cartulina ‘e Napule! L’idee ‘e giustizia, ‘e ‘na vita sociale, ’nu rispetto d’’e rregule normale, dint’’e ccape nun traseno: guagliu‘, nuje simme ‘e Napule! L’abbraccio ca annasconne ‘a curtellata, ’e trarimente d’ogne ‘nnammurata: ’e quanta cose sapeno ’e bbellezze ‘e ‘sta Napule!