Dialettali 8 luglio 2010 · lettura 2 min · 2592 letture

+ Segui

Aiere, cammenanne pe sti viche scure, senza luce e senza Die me fermaie a duie passe da casa mia e criature ca pazziavane 'o pallone mieze 'o spiazzate la so crisciute e là m'aggie annamurate guardanne dinta a l'uocchie e na guaglione e mo sto pruvanne a' stessa emozione quant'anne erane ca nun passava pe sti viche scure addo nun crisce sì te miette appaure inta sti viche addo' fai a cazzotte ca vite addo' nun può mai dicere ca nun hai capite pecché si rieste arrete 'o lupe te magna addo' addivente foresta pure na' campagna Aiere so' turnate arete cu l'anne dinte 'o passate quanne guaglione l'aggie pigliate e l'aggie date quanne 'a paura viveva dinta a' l'uocchie mpaurute addo' chi è sazie ha già bevute quanna ricorde so' turnate a gira pe dinta a' sta cape 'o primme ammore, e stu core mbriacate a scola, e libre e prufessurem 'o primme filone e chella vota nziema a te abbascie o' Chiatamone o primme vasa a pimma vota...'o primme addie Aire so turnate arete addo' nascette ie dinte è viche scure ca portene 'a casa mia addo' 'o sole nun cià fà a' trasì addo' 'a parola ricorrente è signorsì guarde sti case che mure nfose senza sole e me perde dinte a sti parole ca vulessere pittà stu quadre antiche pe fa chiù belle sti viche ca vulessere purta na' arcobalene a sti guagliune e pure na bona furtune aiere e talequale a mo' niente è cagnate inta sti viche pure 'a speranze se fermate

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe Boccanfuso

Mi chiamo Giuseppe e sono nato a Napoli in un caldo mattino del 24 agosto 1962.......scrivo per diletto da quando avevo 13 anni........ed ora sono un tutt'uno con la poesia e le sue emozioni, il resto?????.........è la vita che scorre piano con le sue gioie ed i suoi dolori.