Quannu

Quannu ti veni ddu ruppu a la gola Quannu ti rigiri mmezzu i linzola Quannu stai mali e nun trovi risettu Quannu li rizzi di friddu ti pigghianu u pettu Quannu ti senti un cutugnu nna panza Quannu ti pari chi nun c'è cchiù speranza Quannu vulissi chianciri finu alla morti Quannu ti cunvinci chi avrai malasorti Quannu ti pari chi un trovi l'uscita Quannu ti rici chi chissa unn'è vita Quannu si stancu, delusu, depressu Quannu ti senti cunfusu e scunnessu Quannu tremi a lu friddu e a lu scuru Quannu ti fissi a taliari lu muru Quannu vulissi, ma nun hai cchiù la forza Quannu putissi, ma nun hai cchiù valìa Allura... respira forti... e fai com'a mia: M'assittavi e scrissi sta poesia.