L'amante fedele

No manca occasion che no ea te sia visin, sta sicuro, no ea te moea, anca quando te vorissi star da soeo, in compagnia. Faghe caso a tante occasion: Un semaforo, verde da distante, speta ti a vegner rosso, quando te ghe si davanti. Gheto un stop da superare, dove mai nesun che passa, ti te rivi e varda caso ghe na macchina da spetare. Prova n'dar dal tabaccaro, e comprare un gratta e vinsi, de sicuro nol'è bon, jera bon sicuramente, queo comprà prima de ti. Veto in ferie qualche volta, tutto l'ano tempo beo, ma per colmo dea sfiga te te bechi un bel ceo da temporae tuto el tempo stabiio. Gheto el treno da ciapare e un apuntamento dove n'dare, manco a posta poe capitare, che nol parte o l'è in ritardo. E no te digo se par caso te dovessi n'dare in giro con qualcun che non te voi, far savere chi chel sia, manco dirlo te ritrovi tutti quei che te conosce, e salta fora anche quei che da na vita no te vedevi. E podemo continuare coea salute e coea amore, che xe tante e ocasion se dovissimo contar, ghe ne saria da racontar. Tuto questo par dir che: se te te si trovà n'amante che de nome "porta" sfiga, ti te poi star tanquio che nessun tea porta via e no far finta che no ea ghe sia, ea te fa sempre compagnia. El colmo xe che on bel nome ea gavaria se tirasimo via ea "S", aeora sì che ea diventaria, l'amante che tuti voria.