Dialettali 16 settembre 2010 · lettura 2 min · 3056 letture

+ Segui

Assettate 'nterre 'e scale do' palazze, staie aspettanne ca torne ormai so troppe l'anne ca ce gire attuorne ca suppuorte sta vita, e mo he decise e l'affruntà sapenne ca poi tutte cose cagnarrà mille penziere, mille paure, n'unica certezza so troppe 'e buffe e nisciuna carezza n'appicceche fra duie core ca nun se sanne parlà chiù addò primme chiagneve essa, mo ci suoffre tu o tiempe 'a vote è cunsigliere, 'a vote tirapiere e nun tiene dimane si 'o tiempe se fermate aiere senza parole nove, staie cercanne chelle ca parene chiù giuste mocche 'o fele, l'unica parola è disguste na vita fatte e suonne e speranze, na vita 'e lotte e mo sta delusione t'avote sotte e 'ngoppe l'uocchie chine e lacreme mai chiagniute sanne ca oramai nun ce sta speranza, è fernute N'appicceche fra duie nammurate nun tene crianza è comme nu balle sfrenate, ma senza eleganza quanne è fernute staie surate e te manche 'o ciate 'o core 'mpiette sbatte forte e parole iescene affannate N'appicceche a vote po' raffurzà n'ammore ma sule si aroppe fanne pace 'e core sule si arraggia fernesce dinte 'e parole pecché n'ammore nun po' aspettà ca iesce 'o sole e dinta tutte sti penziere, staie 'nterre e scale aspettanne na risposta ca po' essere na cundanna e na lacrema sfruntata iesce e scenne senza scuorne chisà si st'ammore 'o vere natu juorne e restene sule 'e ricorde a te fa cumpagnia mane e mane cu sta malincunia

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe Boccanfuso

Mi chiamo Giuseppe e sono nato a Napoli in un caldo mattino del 24 agosto 1962.......scrivo per diletto da quando avevo 13 anni........ed ora sono un tutt'uno con la poesia e le sue emozioni, il resto?????.........è la vita che scorre piano con le sue gioie ed i suoi dolori.