Dialettali 2 ottobre 2010 · lettura 2 min · 4296 letture

+ Segui

Tenive sule pochi juorne quanne me spusai l'uocchie doie aulive nere, ire belle assaie e criscenne cu l'ammore attuorne e fatte chiù belle ogni juorne na capa riccia e nu surrise ca te leve 'e parole na stella lucente, nu raggie 'e sole ogni battite dò core tuoie parla d'ammore e tutte attuorne a te piglie culore. L'anne me passene pe cuolle e me fanne penzà nu batuffele ca oggie festeggia 'a maggiore età 'mpiette 'o core me sbatte forte pe l'emozione e sta vita mò tene na' ragione ogni lacreme vene asciuttate tutte 'e sacrificie, ricompenzate crisciute cu l'ammore e figlia e chist'ammore gioia ca leve 'o dulore 'A maggiore età te piglie pe mane e t'accumpagne e cu l'ammore affianche può scalà pure e muntagne principessa fuie 'o nomme c'ascette dò core 'e papà e per la vita principessa restarrà e mò ca stu batuffele na femmena è divintata pure sta vita s'è cagnata. L'uocchie ca sanne parlà d'ammore so chelli doie aulive nere ca s'arrobbene 'e parole e allora 'o core detta e 'a penna scrive pe te senza ce penzà, senza nu pecchè 'a maggiore età arriva dinta 'a vita toia e de tutte 'e paure noste, ne fà na gioia sola tu ca sotte all'uocchie si crisciute 'ampresse pe te na vita fatte sule d'ammore ie vulesse e dinta sti parole te lasse 'o core mie na lacreme e gioia e po' m'arraccumanne 'a Die.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe Boccanfuso

Mi chiamo Giuseppe e sono nato a Napoli in un caldo mattino del 24 agosto 1962.......scrivo per diletto da quando avevo 13 anni........ed ora sono un tutt'uno con la poesia e le sue emozioni, il resto?????.........è la vita che scorre piano con le sue gioie ed i suoi dolori.