Oi mà

Vulesse truvà parole nove chelle ca aquietene 'o core accussì leggere ca nun fanne rummore e ca sanne scennere fine 'e dinto 'o core ca allievene e t'asciuttene sti lacreme amare purtannete l'aneme 'nterre 'a stu mare stu mare fatte 'e chiante silenziuse addò ognune 'e nuie, cerca na scusa Oi mà sti parole nun ce stanne, nun e trove pure dinta a vita mia chiove 'o sole se annascunnute arete 'e penziere e me torne 'a mente sempe chella sera addò l'ammore tuoie, s'arrenneve lassannete sola e ie, mo nun trove niuscina parola nova Oi mà, 'a vita è na lotta e nun se vence mai e tu pure cheste, ossaie l'anne te stanne chiànne ma tu nun muolle e te fai scorrere pe cuolle tiene astipate pe nuie, sempe nu surrise ca te fa ancora chiù belle stu vise l'uocchie s'annasconnene e se fanne piccerille 'o bianche cummigliate 'e sti capille e sti mane sempe pronte pe na carezza so pe me, ancora na' certezza. Oi mà, vulesse piglià 'a lune cu tutte 'e stelle pe t'asciuttà st'uocchie belle vulesse fermà 'o tiempe dinta a chella jurnate addò papà, a casa nun è chiù turnate ma stu potere, nun m'appartene e me sbatte 'o sanghe dinte 'e vene arraggia arriva e se piglie l'alleria lassanemme na lacrema pe cumpagnia