E' vierne

L'aria se fa fredda e se spogliene l'albere l'acqua 'nfonne a terra, e case e core 'nammurate e foglie cadene 'ngiallite, e se lassene piglià do' viente è vierne e 'o siente dinta all'aria e jurnate s'accorciene, e 'a sera scenne ampresse arete 'e lastre l'uocchie ca guardene fore so meliune ognune cu nu pensiere, ognune cu na speranza 'a vicchiarella ca s'ascarfa dinte 'e mane na mugliera ca appiccia sotto 'a caurara e na 'nammuratella ca guarde fore e già penza 'a dimane E' vierne dinta all'aria e dinto 'o core e nun ascarfene neanche sti parole ...mentre fore chiove ancora l'albere pazzeene co' viente, po' nu lampe e doppe poche nu tuone ca rimbombe pa casa a tavola apparicchiata, pe cumpagnia 'o telegiornale e 'a solita lamentela, ma cagne canale Si ce penze 'a vote so tutte eguale sti jurnate 'o fridde, a pioggia... e m'aspette 'a solita nuttate ca senza ritegne, arrive sempe chiù ampresse na tazze co caffè e na sigaretta e na voce, susete ca e mettere mane e sette E' vierne, 'o fridde trase dinta all'osse strade allagate e chine 'e fosse albere spugliate pe vie sulagne ...e 'a solita tiritera ca nun cagne 'a tazze do cafè e na sigaretta Pè, susete ca e mettere mane 'e sette.