Dialettali 20 novembre 2010 · lettura 1 min · 4203 letture

+ Segui

Si 'e vasèle d'Acerra putessene parlà, quante tenesseno 'a cuntà, cu chello ca' succedeva 'o juorno 'e 'a notte, nu' poema se putesse fa'. Cunuscevane 'a tutte quante, 'e bbuono 'e malamente, 'e mariuncielle 'e guappecielli, 'e 'mbriacune 'e 'mbrugliuncielli. 'E parulane 'e pulizza scarpe, 'e pagliette 'e musicante, 'e pitture 'e ll'atture, 'e filosofi 'e scritture. Chille c'a' vennevano 'a quagliata, 'o cuoppo 'e lesse cavere cavere, 'e spigarelle vullente, 'e cunfiette 'e bbarchetelle. 'E palluottole 'e chicchiriniello, 'e cozze 'e cannucchielle, 'e pezzelle 'e panzarotte, 'e freselle 'e sfugliatelle. 'O bbuattone 'e a mortadella, 'o ppane 'e casa 'e 'a ricotta, 'e gazzose 'e a limunata, 'e sacicce 'e suppressate. Sapevano d'a' ggioia 'e d'o' dulore, d'e' turmiente 'e ll'ammore, d'e' ll'aneme abbruciate, d'e' core 'nfrantummate. Si oltre 'e rrecchie pe' ssentì, teneveno pure ll'uocchie pe' gguarda, h'anna visto ggente 'e munnezza, ma tant'ata chiena 'e ricchezza.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Roberto Stompanato

Nasco a Napoli il 22/01/1955 e vivo a Forio sull'isola d'Ischia. La lettura è stata una delle passioni della mia vita; lo scrivere, il coraggio di scrivere, è venuto con l’età avanzata. Lo faccio solo quando mi “assale” quel qualcosa di magico; in quei momenti, mi estraneo dal mondo e scrivo le mie sensazioni, i miei t