Dialettali 11 dicembre 2010 · lettura 2 min · 2034 letture

+ Segui

'A stanza d 'o presepio è comme na casciaforte: nzerrate songo 'e porte pe chi nun tene ossequio. Ma quanno d' 'e piccerille nun siente cchiù nu strillo, 'o nonno arape 'a stanza. E mo so male 'e panza... Nisciuno tene scampo d' 'a visita guidata, nce 'a miso tanto tiempo, nu mese e seie nuttate. Chiano s'allumma a stanza cu 'e luce culurate, po' parte na cantata 'e vecchia cunuscenza. "Tu scendi dalle stelle", e brillano 'e fiammelle, dinto 'e casette nchiuse fora 'o laghetto nfuso. Benito, 'e pecurelle, papere, funtanelle, e che capolavoro 'o ciummo cu 'o motore. Pasture fatte a mano a San Gregorio Armeno, fascine 'e dinto 'o bosco e muschio ancora fresco, suvero originale e carta di giornale, chiuove, ciappe e puntine, tre serie 'e lampadine. 'O sfondo ca stà arreta ce porta dinto 'o deserto, pe 'o cielo tutto aperto se arrampica 'a cumeta. Si nun ce stanno eloggi mentre sta raccuntanno po durà pure n'anno 'a storia d'e tre magi. Invece cu risate, abbracci e cumplimente, 'o nonno è cchiù cuntento e tu si rilassate.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Massimo Imperato

Sono un "ragazzo" di 61 anni nato a Perugia da genitori napoletani, cresciuto vicino Napoli ed oggi residente a Milano. A circa 10 anni ho iniziato ad indagare con crescente curiosità sul significato dell’esistenza. La ricerca e la "coltivazione" della spiritualità mi accompagnano tutti i giorni. Grazie a questo ho