Acerra: mmiez Santu Pieto

Si nu' desiderio se putesse avverà, addò è rimasto 'o core mio vulesse turnà, mmiez'a' chella piazza chiena 'e libbertà, ca mo' 'e nu 'mbriacamiento 'e obbrobbrietà. Me vulesse accidere 'e fatica, nu sacco 'e ruspe vulesse cumannà, pe' rida' onore 'e dignità, a chillu spiazzo cummigliato dd'a' modernità. Accussì ca' 'e cumpagnielle mieje turnassero 'a pazzià, quanta partite 'e pallone vulesse fa, pe' m'arritirà sudato 'e zuzzuso, quanno 'o sole ggià se n'è gghjuto. 'E 'o juorno doppo cu' mazza 'e pivezo, 'o cuoppo 'e 'o ppe' cu' 'e ritrattielli, 'a mana sotto, 'e 'o zompa 'ncoppa. 'O sotto 'a mmuro che munetelle, 'e zzicchette arreto 'a capa 'e rrecchie, sotto 'e palline 'e vetro, 'e stagnetielle d'e' bbuttiglielle. 'E ppo' 'a nascondiglio, passanno annanz'e' traìni, 'e ccorze cu' 'e bbiciclette, pe' supera' quacche lambretta. 'E 'nzuppate d'acque 'e sudore, 'e 'mpiccicate 'e pietrate, 'e vetre scassate, pe' ffa' alluccà 'e ssignore cu' 'e ffurcine mmano. S'arraggio addiventato scemo 'o 'nzallanuto, continuo 'a m'addimannà pecché nun se po' ffà, me pare ca niente 'e strano 'nc'e' stà, si mmiez Santu Pieto voglio turnà.