Quanne 'e parole fanne rummore

'A vote 'e parole fanne sule rummore escene da vocca senza passà po' core e fanne nu gire pe l'aria senza se fermà quanne se parle tante pe parlà. 'A vote iescene sule pa arraggia ca tiene e restene comme fossene catene facenne male a chi nun so merite e nun ponne essere capite Quanne e parole fanne sule rummore portene adderete sule nu dulore nun sanne essere doce e ponne mettere pure 'ncroce Ammore mie, tu si na parola do core chelle ca esce chiane e nun fa rummore ma te sape accarezzà forte 'mpiette a stessa ca te cummoglie dinto 'o liette chella ca s'arrobbe nu surrise e pe mane te porte fine 'Mparavise E allora parlemme sempe co core nun facimme rummore sti parole lasciammele accarezzà e forze coccosa cagnarrà ie ce crere ancora, e vache annanze mane a mane cu sta speranze Quanne 'e parole fanne rummore a vote spezzene nu core e senza nu surrise se ne vanne lassannete 'nguolle 'o pese 'e l'anne e pe cheste ca cerche 'e to sussurrà ammore mie 'nzieme a te voglie invecchià e sule pe te voglie 'e parole chiù belle e scagne 'nciele cu doie stelle te porte 'nterre 'o mare e dinta stu sole e to diche ancora: tu sì l'ammore tu si 'a vita ca m'appartene 'o sanghe ca scorre dinta 'a sti vene e sti parole nun fanne rummore arrivene 'e te scarfene 'o core.