Cu ama, cu disama, e cu mori desiandu

"Cu ama, cu disama e cu mori desiandu"... cu spetta pemmu 'riva, e cu u vaci trovandu... cu nesci di la chiesia, cu fuji po'cumuni, puru quandu mancanu, li 'chietti e li buttuni. Poi nc'è, cu mprima dici: "quant'è bellu lu maritari, ma pe nu jornu, pe dui e pe tri, pecchì se manca l'ojjiu e lu sali, mamma che bruttu lu maritari". E batti u mari, esti in tempesta, l'amuri si stocca comu a jianestra... tira avoi e tira domani, finisci tuttu e ndi mangiamu pe cani... Ma non facimu gabbu, nommu ncappamu, ndavimu sulu u ndi rigettamu... pecchì, bonu bonu, si po' 'rivari o puntu ca a Diu e ai fijji bisogna dari cuntu... Purtoppu a vita, non esti rosi e fiori... nu jiornu si Pati e nu jornu si Godi.