Dialettali 8 febbraio 2011 · lettura 2 min · 3499 letture

+ Segui

E' overe nun saccie pregà, astiente m'arricorde l'Ave Maria e si vache a messa, nun se sente 'a voce mia jastemme quanne 'e cose nun vanne commanna ìe so nu grande peccatore, ossaccie pur'ìe sta vita me sta chianne a poca 'a vota e quanne me piglia 'a frennesia, arrevote ma quanne po' me passe 'a sfuriate me sente comma nu cane 'mazziate L'anne me passene pe cuolle e se fanne dispettuse l'uocchie s'annasconnene quanne so 'nfuse 'a paura trase 'e s'assette dinta vita mia 'e figlie ca crescenne, me danne l'energia care e me sose ancora na vota, ma chiù 'mpaurute annascunnenne 'e lacreme chiagniute E' overe nun saccie pregà e me scorde 'e parole cerche sempe 'e m'astipà nu raggie 'e sole pe cheste ce staie tu, ammore mie ca tutte 'e vote m'arraccumanne 'a Die tiene sempe na carezza e nu surrise a me donà e chelli doie parole pronte, vedrai passerà So nu grande peccatore, 'a vote me disprezze e vache cercanne na certezze quanne stonghe sule, doie lacreme me fanne cumpagnia 'nfunnenne st'ultima poesia e senza nemmene trasì dinto 'o core iescene sti parole d'ammore 'A quatt'uocchie cu Die ce stonghe tutte 'e sere ce parle e nun me pare overe cerche perdone senza scuorne dinta stu silenzie me guarde attuorne e doie lacreme amare ce lasse 'mpegne stavota 'o chiante nun mo stò annascunnenne 'o core sbatte forte 'mpiette, m'emozione e parle sule pe dinta stu capannone.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe Boccanfuso

Mi chiamo Giuseppe e sono nato a Napoli in un caldo mattino del 24 agosto 1962.......scrivo per diletto da quando avevo 13 anni........ed ora sono un tutt'uno con la poesia e le sue emozioni, il resto?????.........è la vita che scorre piano con le sue gioie ed i suoi dolori.