'E muorte d'Acerra

Da nu' poco 'e tiempo, 'e ccorse ca faccio p'arrivà Acerra, nun songhe cchiu' pe piacere, ma sulo pe dovero. Mannaggia a miseria, chiste se ne stanno jenno, chianu chian, uno appriesso a n'ato. Chelli mmure 'nfrascate 'e manifesti, manco fosse na capitale, quanta tristezza, ca me danno. 'O guaie gruosso, è cca mmieze 'a tanti, se ne so' gghjuti e se ne vanno, nu' sacco 'e guagliune. Senza core, c'avite cumbinato, cu 'e pazzielle, 'ncoppa 'a pelle d'à ggente? Quanta regali avit fatto, e continuat a camminà, cù 'a capa aizzata, comme si fosse sul colpa d'ò destino. State sempe 'ntiempo pe fà quaccosa, nun pensate sulo e fatt vuoste, ricurdateve ca ll'aria ammurbata, 'a respirano pure 'e figlie vuoste. 'A maledizion 'e tanta cristiane, v'addà acchiappà, nu tiro 'a otto ve voglio regalà, accussì nun pavate neanche 'a morte.