Dialettali 4 maggio 2011 · lettura 2 min · 6432 letture

+ Segui

Cettu ca sugnu misu ammenzu e mbrogghi cu nfigghiu di maritari, e sugnu senza soddi. E non sacciu unni ma ià sbattiri a testa pi farici comu DIU cumanna, na bedda festa. Pecciò ora vaiu na soggira di mo figghiu e ci dicu i cosi comu stannu e videmu chi pisci pigghiu. Ci dissi pani pani vinu vinu ca soddi, non ci nnaiu mancu pu parinu. Minghia! mi desi na vaddata cuddu nasu a ditta, ca quasi quasi; mi faceva cascari la biritta. Uleva, cuntu e ragiuni picchi iù era senza soddi, dicennumi;...cumpari, varangiati faciti mpocu di mbrogghi. Ci dissi: ma cummaruzza; ma mangu si mi vinnu a mo cidduzza ca è chiu bedda di na cucuzza. Idda, a sta parola, ciappinniu a ricchia; e mi dissi: vi dugnu iù, mpocu di soddi si mi ni dati annicchia. Picchì si è comu stati dicennu vui, ammenzu embrogghi, non ci siti chiui. Iù, senza farimmillu diri nautra vota, ci dissi; cummaredda, mminutu mi si vota. E, ccu sta bedda cucuzza ci fici maritari a mo figghiu ca so figghiuzza. Abbissannu tutti cosi nda na vota cu l'impegnu, di iri nnidda ogni bota ca si vota. Minghia;... ddocu ci voli appiddaveru, a cummaredda, capiu, ca ccu mia, cciavi na bedda cucuzzedda. E pi falla tutta sana ora sugnu, u battagghiu da so campana.

♥ 0 💬 9

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Splendido Leotta Michele