’O primme ammore

Accussì senza nisciune mutive si arrivate dinte ‘e penziere so passate 30 anne e me pare aiere ire na ‘guagliuncella riccia e peccerenella e fra tutte quante, ire ‘a chiù bella a stessa passione ce teneve ‘nzieme ma ie, te vuleve già bene. ’O primme ammore a primma sbandata tu dinto ‘o core ce cammenate mane ‘e mane dinte ‘e suonne sulamente e mo si turnate ‘mpruvvisamente dinta stu penziere ca me trove sorridente comma quanne te vedeve ‘mieze ‘a gente. ’O primme ammore a primma cotta silenziosa ’nammurate ‘e chesta rosa ma troppi spine me pugnevene ‘o core e te lassai dinta nat’ammore e mò, comme pe magia si turnate cà dinta nu penziere ca me fa parlà. ’O primme ammore, chille ca se fermate dinto core ca ere nu segrete ammore ’a notte me teneve scetate ’e juorne me vedeve ‘nammurate e mò cu na poesia arriva ‘a parlà e te e nu penziere ca nun tene nu pecchè. ’O primme ammore ‘a primma sbandata e tu ‘e nate ire ‘nammurate sotte ‘o stesse ciele amme cuntate ‘e stelle mentre ie me perdeve dinta st’uocchie belle ’e mo ca si turnate ca forze ‘e nu penziere rire, ce penze e nun me pare overe.