Pe' te fà capì comme vulesso i'

'Oh quante lische ingoio e mi raschiano il cuore!' Pe' te fà capì comme vulesso i' tutto 'o bene ca te voglio putesse ncumudà n'orchestrina e te fà purtà na serenata comme se usavo tantu tiempo fà me putesse arrubbà 'e cchiù belle parole ca nu puèta avesse sapute scrivere e po' dì ca songhe 'e mie o me mettere sott'o balcone tuoje da matina 'a sera e me cunsumà o sole o ogne juorno te mannà 'e rose cchiù belle scuccate a primmavera cu nu bigliettino d'ammore firmato cu nu nomme ca fosse 'o mio ma cunuscenneto saccio ca fosse inutile e perdesse sulo tiempo pe te fà capì chello, ca gelosa d'ajere, nun vuò capì. Guarda 'o cielo stasera, quanta stelle! Affaccete ca pure tu 'e può vedè una ce ne stà ca fa tanta luce sta luntano, luntano comme 'a me quannno tu vicino 'a te nun me vuò. Chella luce 'e tale e quale a chella ca l'uocchie mieje fanno pe' te quanno 'o core te vò dicere speruto tutto chello ca tu nun saje sentì. Tu nun 'a vìde chella luce ca d''o cielo vene fino a te? Ce stanno serate scure, notte nere e overo ma chella stella sta sempe llà nun se ne va e pure si tu nun 'a vìde sempe luce pe' te farrà!