Mast'Antò

'Ngoppa chilli scanne parive sempe nu guagliuncielle a vota cu na cucchiara, a vote cu nu pennielle ie te guardave 'ncantate, chille è patame 'o Maste e tu 'a fatica nun ce mai ditte basta e che panne spuorche 'e cavece, o 'e pitture turnave 'a casa cu l'uocchie de' criature. Mast'Antò, accussì me piace 'e t'arricurdà n'arilla ca s'arrampeche pe scanne senza ce penzà nu Maste ca m'ere pate, cumpagne e confidente sempe pronte, sempe sorridente sapive cummanà senza mai essere 'o padrone dive 'o rispette pure 'a nu guaglione. Mast'Antò, ire n'omme ca sapeve fa tutte cose e nun cunuscive mai na jurnate 'e ripose tenive 'a bade perfine na squadre 'e 'ngigniere pure 'o chiù presentuse, s'arrenneve sti ricorde me so rimaste chiuse dinto core stanne azzeccate a stu dulore. Mast'Antò, nu pate pe nu figlie è chiù bella fantasia tu ire coccose 'e chiù, ire 'a forza da vita mia e dinta sta lacrema, m'astipe sti ricorde d'ammore 'e nu pate ca ere nu piezze 'e core vulate 'nciele pe vule 'e Die lassanne vacante 'a vita mia.