L'omme faticatore è arruvina da' casa

L'omme faticatore è arruvina da casa, dice nu ditte antiche ma comme une è arruvina quanne chiù fatiche? e allora me so mise 'a cerca na risposta suddisfacente aggie chieste 'ngire, pura fra 'a gente ma niscune ma date l'illuminazione forze stu ditte l'ha scritte nu cuglione. N'omme tradite, n'omme affuscata da stanchezza nun 'o saccie, è na stranezza ma stu sfizie me l'aggia fa passà mo faccie sciopere, nun voglie chiù faticà accussì po' essere ca se regne 'o carusielle e finalmente faccia 'a vita belle. Faccie tre mise 'e villeggiature 'nterre 'o mare m'accatte tutte cose, tutte chelle ca me pare acqua, luce e gas, 'o telefene e patrone 'e case pave tutte cose e dinta 'a sacche chiù me trase 'e guagliune 'a scole, e libre e viagge d'istruzione trase tutte cose dinte 'o caurarone. L'omme faticatore è arruvina da casa, ma chi 'o dice? nu fallute, nu curnute oppure 'o frate e zì Felice nun pazziamme 'ngoppa sti cose accussì serie sinnò facimme nu sfreggie 'a miserie penzamme ca tutte ponne sbaglià, pure nu ditte antiche nun me crerite? faciteve nu gire pe sti viche. Cà 'a gente campe ancora cu l'arte 'e s'arrangià ogge se magne, pe dimane c' aggià penzà addò ce sta 'a miseria ca se puzze 'e famme faciteme 'o piacere, nun pazziamme l'omme faticatore è n'omme cadda essere apprezzate stu ditte antiche, adda essere cagnate.