Quanno d'o campà proprio niente ne vulevo cchiù sapé

Quanno d'o campà proprio niente ne vulevo cchiù sapé fémmena, pazzarélla e capricciosa, da Secunnigliàno si venuta pe' cagnà e 'ndurà sta vita mia! Comm 'o sole doppo na nuttata nera, quanno cchiù niente allùmmava st'uócchie mieje, luce si arrivata survégna e dóce tanta vase prufumate stà vócca toja po' m'ha dato. Quanta festa pe' stu còre sulitàrio ca sulo pe' nu surriso tuoje se cunzòla ah comme n'apprufitto e me sfreno 'e suspire quanno me staje vicino! M'ammuina sulo si me strìgne 'e mane: si aggià campà, comme stà scritto d'into 'o libbro d'o destino, sèmpe accussì te vòglio 'nnammurata! Sì, si faccio comme vuó tu, m'ammulucheje auriénza te dóngo pe' te fà allèra ma tu riggina 'e stu córe hé 'a vulé bene sulo a me! Me cagnato comme avive sunnato tu 'o vizio 'e penzà còse triste m'hé luvato nu pizzo a riso ogne mumento s'appiccia pe' te m'avvampo si chiéna 'e tenerezza me parle scelle metto si na goccia d'ammore me daje. Pìgliate st'ànema ammò' e portala 'nncielo 'ntrezza nu nastro culurate 'e sentimento forte forte fà nu nùdeco cu na nòcca ca nun se scioglie maje strìgne sti doje vite ca se só azzeccate pe' nun se spàrtere maje cchiù! Note: Secunnigliàno = Quartiere di Napoli vicino all'eoreoporto 'ndurà = Indorare, abbellire allùmmava = illuminava survégna = Acerba come una sorba o che sta maturando M'ammuina = faccio chiasso, mi rallegro mi esalto m'ammulucheje = Mi ammollisco mi faccio dolce e ubbidiente auriénza = ti ascolto attentamente, ti presto attenzione scelle = ali 'ntrezza = intreccia nùdecho = nodo nòcca = fiocco strigne = Stringi, serra azzeccate = Incollate, unite spàrtere = Dividersi, staccarsi