Dialettali 22 agosto 2011 · lettura 2 min · 4082 letture

+ Segui

Tutte 'e sere diche 'nfaccie 'a mugliereme, allore ie vache 'a faticà statte bone ammore mie, ce verimme dimane, chiù tarde me chiammà e cheste 'o faccie a tante anne oramai, fatiche 'e notte pe campà e chiù passe 'o tiempe 'e chiù nun me va' ma 'ncoppe all'altare giurai eterne ammore e sti sofferenze 'e lasse fore do core. Vache 'a faticà, e tutte 'e notte me mette l'aneme 'mpace e cu Die ce facce pace sai quanti vote m'aggie appiccecate? quanti vote dinta raggia aggie jastemmate? ma po' comme sempe aggie cercate perdone ossaccie, cu me è sempe 'a solita canzone. Vache 'a faticà ittanne l'anne 'e sta vita mia e cerche na risposta 'a sta poesia forze pecché stonghe sule ie e a vote cerche 'a cumpagnie 'e Die sempe ca stessa paura 'e tutte 'e notte chella ca me tene scetate 'e a matina da te me porte. Vache 'a faticà rinuncianne 'a campà criscenneme 'e figlie sole 'e matine fumanne 'a primma sigaretta dinta 'a cucine e l'ultima primme 'e pusa' 'a cape 'ngoppe 'o cuscine pe scennere 'a sera 'e turnà, si Die vò, 'a matine passanne da stanze 'e liette 'a cucine. Vache 'a faticà, tutte 'e notte sule cu me stesse e tutte 'e notte me faccie 'a stessa prumesse turnanne 'a case quanne l'ate stanne ancore durmenne m'assette dinte 'e penziere 'e chì nun sta capenne vache 'a faticà, pe tirà annanze sta famiglia ma creriteme, che nustalgie ca me piglie.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giuseppe Boccanfuso

Mi chiamo Giuseppe e sono nato a Napoli in un caldo mattino del 24 agosto 1962.......scrivo per diletto da quando avevo 13 anni........ed ora sono un tutt'uno con la poesia e le sue emozioni, il resto?????.........è la vita che scorre piano con le sue gioie ed i suoi dolori.