Erotismo 11 ottobre 2011 · lettura 1 min · 7623 letture

E + Segui

Trategnivo el fià fin sto momento tra riflessi scampài dal mar che par baeàr suea mura al ritmo divertìo del vento. El naso fin se intorcoea dal godimento tra pareti rampegae da fiori indormensài che nel buio dea frescura no ghea moea de profumar. Strigarie de china in stringhe d'argento disegna la to sagoma amaranto dove spìca sbaluccicanti soeo i oci e i to tresento denti. Dio pagan del bastimento ti fa svoear linsioi fasendo tàser per un momento e cicàe impertinenti. In muta devossion ti me vardi solamente fasendome tremar prima de dir gnente. "Terra sconta consacrada al pudor fimalmente posso! Bea che ti xé orgogliosa polena nido de incanti laguna de unguenti. Eassa che te beva come beve il latte i fioi". Tì spàcioi paroe a bocca piena. E mi co vose che no cognosso te suplico per favor no vogio più che ti ghea mòi.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Evaluna Sperber