Dialettali 20 novembre 2011 · lettura 1 min · 3227 letture

+ Segui

- Pecché nisciuno s’ ‘nteressa cchiù ê ppersone? E manco cchiù ’e vvo’ sta’ a ssentì? ’A vicchiaia è ‘nu masso assaje pesante, ca l’ommo nun avess’ ‘a suppurtà. E s’je mò ce penzo a ‘sta quistione, cchiù m’arricuordo d’ ‘a mammà e d’ ‘o papà. ’O tiempo ch’ è passato... ’Nu penziero pe’ lloro però nuje l’ammo avuto. Fin’ a l’urdemo dint’ ‘a sufferenza... ’O ssaccio è troppo poco, ma je ca nun me so ‘nzurato, vulesse ‘na cumpagnia sincera... Je stongo sulo, vivo discretamente, ma si me capitasse quacche guaio... Si ‘na malatia venesse all’impruvviso, a chi m’aggio appellà si non ô Pateterno? ’A chi puozzo avé ’u ppoco d’assistenza? Sulo pe’ me ne ì senza tante fastidje, sulamente pe’ salutà ’stu munno accussì strevuzo. Je nce dicesse addje a tutta ll’umanità... Chi ha avuto ha avuto ha avuto... chi ha dato ha dato ha dato... m’aspetta ‘o Paraviso e tanta felicità! - [’a speranza nun more maje] -

♥ 0 💬 2

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Ferny Max Curzio