Dialettali 24 dicembre 2011 · lettura 1 min · 1856 letture

+ Segui

Nasciu ‘mpiciriddu Puttatu ri na stidda: Matruzza che beddu! Allatu, na sciccaredda E nu voi co so ciatu U cunfottunu ro friddu, U tenunu quariatu. Chi bedda famigghia Rintra sta stadda: Pi tappitu sulu pagghia. Tutt’attonnu picureddi S’assicutunu cuntenti E supra tri iamiddi Venunu i re dall’orienti. Ci puttano tri riali: Oru mirra e ‘ncenzu, Pi rispettu di stu natali. L’angiuleddi ammenzu A genti preiunu pianu, Pi nunnu rusbigghiari: Si tenunu tutti pe manu. Si senti n’aria ri paci, ‘Ndo cori aceddi cantunu. All’impruvisu tuttu taci: “’nguè, ‘nguè “u bambinu Fa sentiri a so vuci: E tuttu u munnu sapi ca nasciu cu potta a cruci.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Salvo Scamporrino

Nato in terra di Sicilia nel 1960, scrivo solo per passione e per comunicare ciò che sento o percepisco. Ogni idea o sentimento che viene esternato in qualsiasi forma va sempre accettato per quello che è. Criticare e giudicare è soltanto un punto di vista. Con questo spirito bisogna leggere e SCRIVERE.