Dialettali 18 febbraio 2012 · lettura 1 min · 846 letture

+ Segui

Sta luntananza a mia mi sta pariennu com'a 'na petra misa 'nta 'na vuria, ca, prima a picca a picca e poi cu furia, 'u lippu tutta para 'a va cupriennu. E fu propiu accussì ca si furmau 'nto cori miu stu lippu 'i malu stari, c'ora 'un mi lassa mancu arripusari, ruoppu c'ogni musura si curmau. Stu ranni pisu ca mi strinci 'u piettu è forti ri purtari 'nta vardetra, sulu c'a dillu pari 'nu smacchiettu; ma jò mi sientu com'a chitra petra, ca 'nta la vuria addivintau riciettu pi corchi buffa e corchi cucchiaretra.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giovanni Sammataro