Dialettali 22 febbraio 2012 · lettura 2 min · 2983 letture

+ Segui

Ti tegnu intra a ‘stu morzu di lanzolu comu lacrima di gioia e chjna e sali comu ‘nu durci chi voli la figghjola chisti brazza comu mamma m’abbasavi. M’incanti la notti ‘nta lu sonnu quandu lu penzeru resta fermu, si comu n’arcegliu chi mi vola ‘ntornu comu ‘na primavera senza ritegnu. Ti guardu cu’ gli mussa strondicati cu’ l’occhijcegli chjni di nostargia, gli lanterni gialli chi vannu cangiati si chi mi cunzuli l’animeglia mia. Ed eri paradisu e celu ambratu ed eu ‘na stigliceglia senza luci mi bastava ‘nu pugnu du to’ hiatu e u cori jia sartandu li minuti. Ti penzu annacatu di li hiuri puru si la gramigna crisci sempri non mi prepari cchju chigli canzuni all’acqua tu cuntavi i bumbulegli. Stasira mi parra a tramuntana e scindi comu corpi di lupara abbaca mu t’alliscianu li strani pa’ igli diventasti ‘na puttana. U ventu malandrinu fora e casi si fici cchju niru di la pici porgimi lu silenziu di’ li strati ca’ lu penzeru meu li benedici. Finu a chi ‘st’occhij cunzumanu luna ti guardu ammucciuni ogni notti e sentu ca’ lu cori si ricria arrahami cu’ ttia puru stanotti.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu