Dialettali 15 marzo 2012 · lettura 1 min · 882 letture

+ Segui

Quann'era picciritru me patri mi cuntava d'un certu varvasapiu, c'a Puotrina abitava. St'uomu era un sapienti scinziatu, e 'un c'era nenti 'o munnu c'un sapia. 'Ntra l'atru si ricia c'ammaisciau un jattu, chi a sira ci tinia 'a cannila pi lusciu 'nto mentri chi liggia. Pi chissu si vantava r'aviri supraniatu di tantu la natura. 'A scienza, dici, è fatta pi vinciri ogni cosa e 'un havi 'nta stu munnu rivali e oppositura. Stancu 'i sintillu, un juornu un viecchiu 'u jà truvau mentri lu jattu lusciu c'a cannila facia. 'U varvasapiu allura buriusu ci spiecava: 'U viriti? La scienza, vuliennu, vinci tuttu! Ma 'ntra lu miegghiu, 'u viecchiu ddra nesci ra sacchetta un surgi vivu. A vista,'u jattu quannu 'u vitti, scurdannusi la scola, lassò iri la cannila e c'un savutu 'u 'cchiappò. Di chistu n'addivinni: s'a scienza ca natura pritenni la partita, ci lassa cuoriu e pinni e fa mala fiura.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giovanni Sammataro