Dialettali 18 marzo 2012 · lettura 1 min · 1014 letture

+ Segui

'U russu ri l'arburi 'u cielu acculurava; 'nta jazzana 'a lumera finia ri fumari e 'nta l'aria spannia un prufunnu sinturi ri sasizza arrustuta. "Matinu inchi cufinu", ma 'u bisuognu era tantu c'o muttu 'un avia pisu. Mastru Cola si nni ja o' travagghiu c'a truscia r'a spisa sutt'a scitra, 'nta manu 'u lumi a gassu, 'na zapputra 'nta spatra e 'nta testa ddra rita appinnuta ri forti qualità e priezzu buonu, c'avissi appariggiatu 'a sorti r'a purrera lassata p'u sufficu. Ci pinsava ri tannu ed era juntu 'u juornu ri mittiricci 'i manu. Accumincia a scavari cu rabbia, cu furia; e scavava e pinsava: du' carrichi a don Micu e tri a don Pippinu; e scavava e pinsava: un vistitu pi Nina, 'i scarpi pi Turitru... Ri bottu 'nu rumuri ri frana assai pussenti accummogghia ogni cosa: finiu ri scavari, finiu ri pinsari. A boca la campana sona p'accumpagnallu all'urtima "purrera".

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Giovanni Sammataro