Quann' hê campate pe` tant`anne

Quann` hê campate pe` tant`anne e accumpare `o primmo capille janco senza ca `o chiammo vene pure `o mumento ca t`addumande: "Ma ched` è sta vita?" Senza ca ce pienze rispunne sicuro: "E` pe` chesto e pe` chell ` `o ccampà!" Ma si te miette a ragiunà nun te cunvince e, quaso a te fà nu rispietto, all`impruvviso `a stessa dumanda s`appresenta n`ata vota e da saputiello...addiviente ngnurante! Cu na santa pacienza, te miette a cercà n`ata risposta, speranno `e truvà chella bona e fernì stu juoco ca t`accumencia a scuccià! Ognuno `e nuje, a modo suoje tene na filosofia pe` se spiegà `a presenza soje ncopp` ` a sta terra e, cu sta certezza, affronta sicuro e cu fede `o destino ca l`aspetta! Ched`è sta vita?....... Vulesse risponnero cunvinto sicuro `e nun sbaglià sicuro `e sapè che sto facenno mmiezz` `a tanta ggente, sicuro `e sapè ched`è sta vita mia!