Pe' l'occasione

Pe' l'occasione aggie cercate e parole chiù belle aggie scigliute sta' notte chine 'e stelle e comma 'a sempe m'aggie affidate 'o core ca 'a rima 'a vase e ce fa ammore e pure si sta vita a vote te fa dannà nu foglie e na penna 'nzieme, pe continuà a sunnà. Pe' l'occasione aggie lassate 'e penziere fore aggie chieste na mane pure 'a stu core me so ditte, oi Pè 'a vita è na rota ca gira ce sta chi chiagne, chi rire e pure chi s'accire ma sta vita è sempe 'o bene chiù preziose e se sape buone, 'e spine fanne parte de rose. Pe' l'occasione aggie fatte pace co surrise a giacca ca cravatte e na bella cammisa mugliereme affianche, cu tacche 'e surrise e jamme abbascie 'a st'anghele 'e Paravise 'mieze 'e poete ca scrivene ca mane do' core cercanne 'e dunà n'emozione 'miscate all'ammore. Pe' l'occasione maggie raccumannate 'a sti parole l'aggie scritte 'e matine ca luce do' sole aroppe na nuttate 'e penziere e turmiente addo' l'unica cumpagnia 'e tutte, è 'o niente e comme succere sempe, 'o core dette e je scrive 'a magie se rennove, 'e l'emozione arrive. Pe' l'occasione doie lacreme dispettose vulevene partecipà ma 'ngoppa stu foglie, 'o sanne nun ponne stà e allore 'e lasse scennere senza scuorne tante sta quase schiaranne juorne e dinta st'alba nova me ne torne 'a casa mia strignenne dinte 'e mane stu foglie e chesta poesia.