So nate ca cammisa

Eh sì so nate ca cammisa, songhe n'omme furtunate nate c'ammore e p'ammore, nate desiderate so nate ca cammisa pecché sta vita m'appartene pecché me scorre l'ammore dinte 'e vene e quanne m'arretire 'a casa mia è comme si stesse scrivenne nata poesia. So nate ca cammisa pecché so rimaste sognatore pecché me scarfene sti parole d'ammore e quanne me perde dinta l'uocchie tuoie, 'o core ossape 'a porta do Paravise s'arape e dinta natu vase me piglie nu surze 'e vita na' carezza pe sanà ogni ferita. So nate ca cammisa, pecché so vive e sto vivenne ie e te e nata gioventù, ma quale cinquantenne 'o sanghe dinte 'e vene s'arrevote è sempe 'a stessa storia, comma 'a primma vote e si 'a felicità passe e se ne va je 'a piglie pe' capille 'e ferma ca. So nate ca cammisa, 'e caggià fa si lotte ogni juorne 'a me basta st'ammore e chelle ca tenghe attuorne na mugliera bella comme 'o sole e doie stelle duie figlie crisciute che 'mullechelle 'e guarda 'e me sente nu re e allore fernescene 'e paure senza nu pecchè. So nate ca cammise, e 'o scrive dinta sta poesia 'a favola chiù belle è proprie 'a vita mia fra jastemme e dulure, sto criscenne pure ie me so fermate 'a fa pace pure cu Die e mo che l'anne passene fuienne ie me guarde attuorne e nun m'arrenne.