Dialettali 25 luglio 2012 · lettura 2 min · 2078 letture

P + Segui

In su mese de maju Deus ti c’at leadu a mie po ti regalare a Mama nostra in chelu. Cantu apo piantu Fizzu de su coro meu! Sa vida mia po sa tua aia chèffidu dare ma Deus no m’at chèffidu, s’at leadu a tie. Fisti sa lughe de sa vida mia fizzu de su coro ite fatto como? S’amore meu no est bastadu po ti tènnere umpare a mie. Fisti unu fiore appena ibbocciadu canta gana de vivere aisti cantos dissignos ti faghisti cheristi vìvere ancora in custa terra. Cantu as gherradu contra sa maladia, cheristi andare incontr’a sa vida cun allegria e cuntentesa. Ma cando in sos ojos tuos sa sufferèntzia idia ite dolore fizzu meu; m’istringhiat su coro cando mi naraisti “Deo so suffrende meda no cheso vìvere pius” ma appena istaisti bene cuntentu ch’escisti cun sos amigos tuos. Destinu malaitu troppu prestu t’at leadu a mie, fizzu de su coro meu! Sa vida mia po sa tua aia chèffidu dare ma Deus no m’at chèffidu, s’at leadu a tie fiore appena ibbocciadu.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Paola Pittalis