Quanne ere piccerille

Quanne ere piccerille sunnave d'addivintà ruosse ampresse e si me chiedevene quanr'anne teneve, je e faceve fesse sunnave che sarria addivintate n'omme 'mportante vulute bene e rispettate 'a tutte quante e vulave cu sti penziere fuienne 'nguolle all'anne 'a chiù bella festa pe me ere Capodanne. Quanne ere piccerille teneve mille suonne astipate 'ncartate cu ammore e carta dorata teneve na biciclette ca me purtave luntane e dinta 'a fantasie pe me ere già dimane ere ruosse e cumannave, e teneve 'o rispette da gente e stu suonne me faceve ricche e cuntente. Quanne ere piccerille sfidave o 'munne sane e nun rimandave mai niente 'a dimane affruntave tutte cose cu l'incoscienza de criature niente e nisciune me faceve paure me steve priparanne 'a essere 'o nemmere une e me diceve, je pozze arrivà pure 'ngoppa 'a lune. Quanne ere piccerille vuleve fa passà ampresse l'anne quase comme si essere piccerille fosse na cundanna e mò ca sta vita me 'mbianche 'e primmavere vulesse turnà arete, turnà a chelli sere quanne mammà e papà me vasavene dinto liette 'e core mie me sbatteve forte 'mpiette.