A Madunnuzza di Rafadali

O Madunnuzza di li malati di Rafadali si la patruna e ogni to figliu ti spila la cruna. A cu t'addumanna o Maria tu cuncedi. Cuncedi a tutti vecchi e carusi ca di li to grazi semu bisugnusi. Iu nun ci sugnu a lu me paisi ma ni lu cori firmata ti misi. Cu s'affida a tia o Madunnuzza mia dispiaciutu nun ci resta picchi' cu tia è sempri festa. Benedici o Madunnuzza a tutti quanti duna cunfortu unni senti lamenti duna la paci a li cori nfranti duna spiranza a tutti li genti duna qualcosa a cu unnavi nenti. Duna la paci ni li famigli duna la fidi a cu persi li spranzi. Ti raccumannu li vicchiareddri tutti i malati e li dispirati. L'urtima cosa Madunnuzza mia alluntana li guai na casa mia. Valeria La Rocca Traduzione "Alla Madonna degli infermi" O Madonnina dei malati, di Raffadali sei la patrona e ogni tuo figlio ti racconta i suoi guai. A chi ti domanda tu concedi. Concedi a tutti vecchi e bambini che delle tue grazie siamo bisognosi. io non abito al mio paese ma sei sempre nel mio cuore. Chi si affida a te o Madonnina mia non resta mai insoddisfatto perché con te è sempre festa. Benedici o Madonnina tutti quanti, dai conforto dove senti lamenti, dai la pace ai cuori infranti, dai speranza a tutte le genti, dai qualcosa a chi non ha niente. Dai la pace nelle famiglie, dai la fede a chi ha perso le speranze. Ti raccomando i vecchierelli, tutti i malati e i disperati. L'ultima cosa Madonnina mia allontana i guai da casa mia.