Dialettali 5 ottobre 2012 · lettura 1 min · 2631 letture

+ Segui

Dassu lu mari, e nchjianu supra ‘a cima, e ‘sta collina s’arza vanitusa, comu ‘na mamma bontatusa mi guarda nta l’occhji, e poi m’abbrazza. Culanu argentu supra a chisti mani, l’arburi parunu di vellutu, m’assettu cu’ ‘stu cori mutu porgendu comu figghjia, ‘sti du’ mani. E doppu, mi spogghjiu, si, mi cunfessu, ruppu paroli, e l’atterru ccàni, scavu la terra cu’ chisti mani, supra ‘sta cima, sutterru ‘a me’ guerra. E poi, mi sentu, comu ‘na cotrareglia: libera, e pronta pa’ volari. Comu ‘na farfalla speciali chi torna ‘a la marina, ‘na faccia bella. Nta l’aria, si cuntanu li duci sonati, sembranu campanegli o ventu, ‘mbeci, è santu coru d’arcegliu chi va’ benedicendu, ‘sti senteri sudati. Volia ‘u stajiu cca, la notti e lu iornu cu ‘sta libertà chi si rispira, sula, comu lindineglia nira, e a ‘sta terra u nci fazzu contornu.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu