Dialettali 25 ottobre 2012 · lettura 1 min · 2822 letture

+ Segui

Si tù, pannizzu di chisti suspiri, t’assetti ‘nta ‘sta tavula cu’ nenti, si morzu ‘i pani, ‘na vota d’acqua, ti stringiu cu’ li mani e cu’ li denti. Si sonu, e poi si ‘na ballata, anima chi trema supra o pettu, si duci comu a ‘nu cunfettu, ed eu, sugnu lacrima chi chjiama. ‘Nu ventu, ‘na luci, ‘nu serenu, ‘na nuvola chi parti a ‘na volata, ‘nu cantu chi sapi apriri ‘u celu, si tu, chi m’aggiusti ‘sta jornata. Ma tu non sai, ca’ ti poi, fari velenu quandu t’accatti a lu penzeru luntanu, eu t’aspettu, comu ‘na goccia ‘i nivi pa’ ‘nu mantu di brividi, senza frenu. Mi fai volari cu’ li ali e cu’ li piumi e mi fai rondini cu’ ‘nu paru d’ali chi pari ca si iurgiunu du’ cori ‘nta ‘st’aria mi fannu ‘mpùzzunari. Eu ti chjiamai, criatura di Ddìu pecchì non dassi a nugliu senza, puru di’ lu poveru ti fai certezza e lu fai duci, duci, sognari.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu