E resto ccà

Comm'e' llonga sta matinata, 'o tiempo nun passa maje, però nun me scuraggio, a te sto aspettanno. Chi passa me guarda, è curiuso 'e vulesse capì, ma add'a' schiattà, 'e c'o' dubbio adda murì. Comme se fa' 'a na certa età, 'a ffa' chello ca nun faceva anne fa', ma si 'o core cumanne, nun 'o pozzo cuntrarià. Ll'uocchje tuoje voglio 'ncrucià, e nisciuno mo ppo' vietà, cca' me facesse accidere, nun me basta cchiù 'e te sunnà. Dint'a' machina assettato, me sento nu baccala', ma jsso sbatte assaje, e allora resto ccà. Nun saccio che succede, mmo' che te veco, spero nu surriso, pe' gghj' 'mparaviso. So asciuti tutti quanti, 'a strada s'e' spupulata, 'o aggia sbagliato jurnata, 'o t'hanna segregata.