Quannu ‘ccappa ca vou a Maruggiu
nchianu li scali ti retu la chiesia
e va salutu sempri l’amica mia

Toppu lu cafè štrulicamu
sempri ti anima e di cori
ca parimu ciucci ‘nnammurati
-ancora-

Li ticu: “ti ricuerdi ti vagnuni
comu fucijumu sobbra alla scola
e la ‘Nzina spiava retu la tenda?”
-e iju ti circai ‘nu vasu-

Mò ‘nna ma fatti crandi e fessi
la ‘Nzina è morta puviredda
ca ni ticia:”vagnù tati beni”

“Ma mi ricordu -tici edda-
comu ‘nu suennu quišti paroli
ci vuei beni beni a dari”

“Ha ragioni –ticu iju- beni
no’ ti tiesi e beni non ibbi
ma Tu ti chiu’ mi tiešti
nu’ surrisu