L'unna di lu mari

L’unna di lu maru Arrive lu marusu ccu vulelli e pumici! Arrive s’unna, chijna i ritiragna e malutìempu! Arrumme l’unna i menzijuornu abbulannu sc- cùma e orfanìelli! Caminu, ppe si liti i mari, circannu i mìegliu penzìeri i na’ gioventù ca un’ha saputu fari! S’infosse e mpìnge su pìedu miu dintra na rizza, malidiciennu u jùornu ca l’amu abbannunata. S’aggire supra a capu nostra na neglia grossa e nira, ca minte cuntu i adduvu jamu! Rimu e caminu ‘ncapu l’unna di lu maru. Na fraga ni trascine dintra nu libicciu, ca u drittu sguardu da matina nu scumpiglie! U sulu pune ammucciannu a capu russa, arrietu nu strùommulu ca fume! Rimu e caminu, e ancora caminu e rimu ppè sa via ca porte allu cunfinu di lu munnu, ppè trovari chillu ca stamu circannu e chillu ca puru atri vulivunu truvari, du nannu mio ccu patrima, ca allu chiaru da luna chijna aspettavanu a stilla da matina, a patrima inzìemi a mmia, ‘ncapu nu bastimièntu d’illusi sventurati ca all’merica ni portave, e iu e figlima, nu carricu i penzìeri e sc- chjanti, rimamu e caminamu dintra nu surcu i luna calante! Vi lassu sa cunnanna, chijna i gioie e di duluri, ca già tuttu è scrittu dintra sa rina ca mò nua ciampamu! supra stà rina adduvu l'urma nua lassamu. Arrive l’unna di lu mari, mmoliche e riminìe, arrivòte e allisce. Nu chijantu i guagliuniallu, ni giramu! e n’accorgimu, ca sulu nu sbandu nua lassamu!