I zippuli di Natali

Comu ogni annu arrivi e poi ti ndi vai cu la pena nta lu me cori... pecchi' da quandu ti ndi isti tu nenti cangiau... lu caminu spentu fudi e spentu restau... guardu sta casa e li mura su sempi friddi chi si stannu mpurrendu... comu la vita mia chi pari nu sgumentu. Ci furunu iorna chi eranu chini di cuntentizza ma scumpariru insemi a stu focu chi si spegniu nta stu caminu. e non mi resta chi mu aspettu natru Natali chi cu la sua luci si accendi stu foculari, accussi' mi mentu a friiri i zippuli di Natali cu li sardi chi ti faci'ano mbalsamari. E pregu sempi la Madonna cu lu rosariu a li mani mu mi proteggi sti figghi da ogni mali e mu trovanu nu lavoru chi li faci stari beni... ma pocu speranza c'eni nta stu mundu nfami... pecchi' futuru non vidi pe sti povari cotrari... e cu la pena nta lu cori mi tegnu strittu lu rosariu nta li mani cu la speranza chi si aduma stu foculari...