Dialettali 13 giugno 2013 · lettura 2 min · 1527 letture

+ Segui

E' o'vero ca o'tiempo s'è spassato ca t'ha trattato comme na mappina. Pare na signurina senza scuorno, ognuno trase dinto a stu ciardino. O'greco, o'sarracino e li francise, spagnuole, tedeschi e 'mericani. Te si 'mparata a chiagnere in silenzio appesa 'o cielo e senza na cammisa. Sotto a sta maschera nera comme 'a pece 'nce sta stampato puro 'o pizzo a riso, buciardo, sulitario e furastiero, nasconne tutt'e lacreme perdute. 'O bene ca te voglio è smisurato ma nun po' continuà sta litania. Se scura 'o sole p'o chianto e p'o lamiento, 'o mare s'ncupisce p'e turmiente. Lassala perdere stà maschera antiquata caccia 'o surriso ca tiene overamente, e quanno tuzzulea 'a malincunia miettela a chiacchierià c' 'a fantasia. 'E figlie tuoie so tante furbacchiune se fanne 'scarpe l'une contro a l'autro, ma si te trovano felice e sorridente po' capisceno ca se stanno perdenno. Cancella sta memoria d' ‘o passato, nun nce sta sempe 'a pizza e 'o mandulino, resta cu l'uocchie apierte ogni secondo, guarda 'a ricchezza 'e Dio ca t'ha criata. E si qualcuno parte c'a violenza tu mostrale 'e figlie ca se vonno bene, nun le cercà piacere o curtesie nun nce mustrà mai 'a faccia d'a paura. Tu ch'aje 'mparato ammore a tutto 'o munno sotto nu chiaro 'e luna ammiezo 'o mare, abbraccia a chi te vo piglià p'o naso, dalle nu vaso mmocca a chi te 'mbrusa. E chiano chiano, cu 'e mane dinto 'e mane, diventano tutt'uno sti paesane. Niente chiu vasce e viche sotto e 'ncoppa. Nu paraviso 'e vita, c'accide pure 'a morte.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Massimo Imperato

Sono un "ragazzo" di 61 anni nato a Perugia da genitori napoletani, cresciuto vicino Napoli ed oggi residente a Milano. A circa 10 anni ho iniziato ad indagare con crescente curiosità sul significato dell’esistenza. La ricerca e la "coltivazione" della spiritualità mi accompagnano tutti i giorni. Grazie a questo ho