Dialettali 11 ottobre 2013 · lettura 1 min · 1245 letture

+ Segui

Chi maravigghia quannu u iuonnu agghionna e tuttu s’arrusbigghia sutta ‘ncielu di luci e tonna nautra iurnata ancora, ‘nta sta terra assulata di Sicilia, unni si vivi sempri fora all’aria apetta, comu piaci a mia. Accucciata ro mari, ca a cunfotta ogni mumentu de sbinturi amari e de lacrimi di sgumentu. Oh! Terra di Sicilia senza sensu, nenti ti manca pi ddaveru, chiassai m’arraggiu su ci pensu, putissiti stari senza pinseru e ‘nveci ti mattratti, ti viulenti che to stissi manu: ie fossi chista a to sotti? Vomita i mali rintra o Vuccanu, falli spariri pi na bona vota e ricialiti de to criaturi, de to cosi belli, girala a rota e pi sempri arrassa i to svinturi.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Salvo Scamporrino

Nato in terra di Sicilia nel 1960, scrivo solo per passione e per comunicare ciò che sento o percepisco. Ogni idea o sentimento che viene esternato in qualsiasi forma va sempre accettato per quello che è. Criticare e giudicare è soltanto un punto di vista. Con questo spirito bisogna leggere e SCRIVERE.