Dialettali 6 novembre 2013 · lettura 2 min · 1606 letture

+ Segui

Ata vistu mai ‘nciuri di zagara vulari Supra gniaddinu e poi cascari Liggeru supra l’acqua di na gebbia O ‘ngabbianu passiari supra a sabbia E poi cu l’ali apetti iri vessu o suli O ‘mpratu chinu di papaveri e violi? Ata vistu mai na rasta di bacilicò Ca ciaurìa l’aria oppuri ata vistu o no Na criatura ca cu l’occhi riri A tuttu chiddu ca scopri e viri O na manu ca tocca dilicata Na facciuzza nicaredda ri neonata? Ata vistu mai quannu u sirenu vagna E inchi di perlini argentati a campagna Aceddi ponnu viviri e arricialari E l’ebba cchiù viddi e iauta po’ divintari Poi u suli all’orizzonti spunta e ghiana Evapora e addiventa nebbiolina? Ata vistu mai ‘nciumi r’acqua a cascata Ca currennu scinni comu na rumazzata Quannu appoi arriva ndo chianu Rallenta e si camma pianu pianu Riflittennu ‘nsupeffici comu nu specchiu Tutta a luci ro suli misa a cecchiu? Ata vistu mai a muntagna ca fuma Ianca ri nivi e russa di lava adduma E ghiacciu e caluria s’accucciunu Chi spittaculu spiciali ca s’anventunu Sa spacca a terra pi patturiri a vita Ata vistu a natura chi fozza infinita?

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Salvo Scamporrino

Nato in terra di Sicilia nel 1960, scrivo solo per passione e per comunicare ciò che sento o percepisco. Ogni idea o sentimento che viene esternato in qualsiasi forma va sempre accettato per quello che è. Criticare e giudicare è soltanto un punto di vista. Con questo spirito bisogna leggere e SCRIVERE.