Dialettali 16 febbraio 2014 · lettura 2 min · 865 letture

E + Segui

A notte di luna tonda no ghe xe anima che no risponda anca ea mia se fa sentir potente scalmanada sconveniente me sprona dentro’l petto l’estro de svegiarte impertinente. Lenta muta de soppiatto vagabonda monto in letto calda quatta morbidosa vestia soeo de una rosa. Gnanca schisso el materasso tanto ben doso el me peso e me cucio a fasioetto a vibrar fasenso e fusa. Ti te dormi come un sasso mi te stago quasi dosso e me vien l’idea brillante de sustegarte ad arte. Pian pianeo lievemente con un petalo odoroso te sfioro tutto el viso soffermandome suea bocca. Ea xé bea carnosa e rossa ea me fa morir a morte ea xé tuta da liccar quindi tanto par gradir me caeo zò a ciuciarte. E cussì serenamente sorridente un fià unfegà te verzi finalmente la to boca e l’ocio destro. El me labrador maldestro! Ti me te strasini sora butandomete indosso quasi fusse in Tagadà. Sbaruffando da maestro i me cavei da gatta mora. Ma che bea che ea xé ea mia tosa ma che idea che ti ga avuo farme far sta bea passua nel cuor dea notte fonda. Ti me disi sussurante mentre la tò man el me ventre toca e mi taco nuovamente a vibrar fasendo e fusa.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Evaluna Sperber