Dialettali 4 giugno 2014 · lettura 2 min · 13068 letture

+ Segui

E chiove sott’ ‘o cielo e chiove e scenne ‘o ggelo. e chiove ‘ncopp’ ‘a via e chesta è ‘a strata mia. E chiove pe stuna’ e ‘o tiempo sta a scuccia’. E chiove ‘nfaccia ‘a ggente e chiove ‘ncopp‘ ‘o niente e chiove a sbotamiento e chiove a schiattamiento... E chiove pe’ abbeli’ pe ce fa ‘nfucetiì... E chiove dint’ ‘a sacca e a me me vene ‘a fiacca e chiove a vienetenne e ‘a panza saglie e scenne... E chiove pe’ trica’ pe’ pognere e sbia’...   E chiove comme a che ma tu che vuole ‘a me? E chiove pe ‘ntramente e ‘o sole fa ‘o pezzente E chiove a dì gnornò e ‘a coscia fa sciò sciò. E chiove pe scummessa e ‘a vita è sempe ‘a stessa: ’o strunzo saglie a galla e a me s’ammoscia ‘a palla. E chiove senza sì e io cerco ‘e scumpari’. E chiove int’ ‘o stipone e nun me sento bbuono e chiove ‘ncopp’ ‘e carte e ‘a penna cchiù nun parte. E chiove pe stuna’ e ‘a chiocca vò sfrattta’.   E chiove a stammatina e ‘a vocca se strascina e chiove appriesso appriesso e ‘o tiempo è sempe ‘o stesso. E chiove addo saie tu e io nun ci’a faccio cchiù... E chiove sott’ ‘o core e chiove a tutte l’ore e parlo e cchiù m’allento te chiammo e nun te sento... E chiove e songo sulo e chiove... v’a fa ‘nculo!  

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese