Amore 21 giugno 2014 · lettura 1 min · 4284 letture

+ Segui

E te cerco ogne mumento vattecore miezo ‘a gente dint’a ‘nziria ‘e na serata ‘ncoppa ’a nocca ‘e na resata pe nu vaso arricamato ‘a sta vocca ‘e Ddio lodato. E te trovo ogni minuto dint’e suonne maje ‘ngiallute cu sta voglia ‘e t’afferrà ca continua a me piglià ‘nfaccia ‘e lumme ‘e chesta vita sango sperzo ‘e na ferita. E te veco ogne sicondo c’o turmiento ‘e stu tramonto ‘nfaccia ‘e laste ‘e chesta freva ca m’abbruscia e nun se leva ‘ncuollo nnante ‘e lato areto fredda e tosta comme a preta. E te voglio addò saje tu ‘ncoppa ‘o lietto a fa’ zu zu ca l’ ammore senza scuorno è nu sole senza juorno ca sta vita senza ‘e te è nu trono senza rre’ pecché chesta è ‘a verità: sulo tu me faie dannà.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese