Amore 3 giugno 2007 · lettura 1 min · 5124 letture

E + Segui

So nate sti criature, mieza a loro sò crisciuta. Quanta cose belle m'hanno mparate. Gioie, dolore, emozioni, a chiagnere, a ridere. E quanta paure aggia fatta! E quanno so crisciute nzieme a loro aggia pazziato. Me sentevo na criatura! E purtavo cammenanno tutta a gente se fermava. Comme è bello stu criaturo! E into o core mio nce steva n'allegria. Sapite comme me sentevo? comma a na regina! Ma nu regalo m'hanno fatto, tanto spazio nun m'hanno dato pe penzà ncoppo a stu munno e cattiverie ca se fanno. Nu bellu iuorno arriva o porta lettere: Na cartulina porta: A mamma do guaglione adda firmà! Mamma mia! adda firmà pecché? E' un invito militare! Maronna mia o ninno mio parte pe surdate? e dinto o core mio scenne na tristezza. Ma nu premio m'hanno dato. Me sceto na matina; a terza età me so truvata l'anne so passate ma nu me so pesate. O bene de nepute nun se po ammesurà. Si se putesse ammesurà pe me tutte e metre do munno nun putessero abbastà.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Emilia35