Dialettali 1 novembre 2014 · lettura 1 min · 2346 letture

+ Segui

Ammore ammore doce e ammore bello ca stive tutta quanta 'int' 'o penniello ma che ppò a guardarte bbuono nun sì ffemmena ca se fa ritrarre ca dà l'immagine soja pe' quatto sorde o p' 'a suddisfazzione sulo 'e figurà Tu saje campà e vuò d'a vita 'o mmeglio Nun t'accuntente 'e 'na scarda d'ammore Nun t'accuntente 'e trappule e censure Tu 'a vuò tutta quanta 'a Vita 'int'a ll'Ammore vuò tutto e subbeto l'ammore mio sincero Tu ca t'abbandune pe' me fa stà senz' 'o penziero 'e quante infamità ce stanno 'ncopp' 'o munno Che ll'avessemo cagnà da cima a funno p'avé 'na speranza 'e cchiù pe' ttutte 'e disgrazziate e pe' ll'umanità ca campa d'Ammore pe' se sarvà 'na vrenzulella sulo d' 'a soja felicità

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Ferny Max Curzio