Bisu o beridadi?

Su sonnu custa notti trigada ad’arribbai ad’essi bella notti sa chi deppu passai! Mi sezzu in su lettu, sa conca zummiendi gei tengu bell’aspettu è cosa de comprendi! Mi paridi sa memoria unu libru scrittu mali: una pagina de istoria chi non esistiti s’eguali! E m’affannu circhendi cancuna cosa de contai, che proccu seu sudendi ma non c’esti nudd’e fai! Non seu esistiu mai, custa s’unica soluzioni, circu su sprigu po’ castiai: esistu o è scetti un’illusioni? Unu corpu a sa porta, “o Gavino, itta ses fendi? Custa non è sa primmu borta, cun cali dimmoniu ses certendi?” Min’di scidu a s’improvvisu E nd’arruzzu de su lettu, mancu mali chi fiada bisu: ma, ha fattu propriu effettu!